Also, gescht obet isch das soo gsii, ueli, das i der am verfluechte compi vom verfluechte girassol ganz vill neui text gschribe ha zum in blog inetue und dänn isch es plötzlech schwarz gsii und ales wägg, „sorry, no more 5 minute warning – just switch off!“ Und dänn han i nomol zalt und ha der gschribe, das der so vill blogtext gschribe ha und das ales wägg isch und s überhaupt en abverreckte tag isch, wil doch de hudson uf em ufewäg total unnötig e geiss überfahre hät , so voll drüber, und dänn simmer de ganz nomittag i de ökumenische garasch am bode ghocket und händ gwartet zum usefinde, dass üs üsi zwee chäre no mee gschlisse händ als scho gsii sind, und zum heifahre isch es scho z schpoot gsii… und dänn hani wider uf „senden“truckt und dänn isch „the page not available“ gsii und wider ales wägg und i bi soo fruschtriert gsii bi däne gruusige schpagetti im girassol, wo d jo au zur genüge kännsch und dusse häts gschiffet was abe mag und i ha mi wider mol soo müese zämeriisse, doo ….. z afrika.
